അഭയം 

                                     നീ പാടിയ മറുപാട്ടിന്‍റെ -

                                     ഇന്നലെകളിലൂടെ 

                                     എനിക്ക് തിരിച്ചു പോകണം .

                                     എന്‍റെ ചേതനയുണര്‍ന്ന -

                                     ഗര്‍ഭപാത്രത്തിലേക്ക് ...

                                     ആ പൊക്കിള്‍ക്കൊടിയുടെ -

                                     ഇടനാഴിയിലൂടെ 

                                     കാഴ്ചയുടെ തിരകള്‍ക്കപ്പുറമുള്ള -

                                     ഈ ലോകത്തെ കാണാം .

                                     നിന്നെയും എന്നെയും -

                                     വേര്‍തിരിച്ച ,

                                     ഒരു മുനമ്പില്‍വെച്ച് -

                                     വേര്‍പിരിച്ച ,

                                     കനല്‍പാതയില്‍ 

                                     പതിയിരിക്കുന്ന 

                                     വര്‍ഗശ ത്രുക്കളെ -

                                     കല്ലെറിയണ്ടെ ?

                                     ഒരു നിമിഷത്തിന്‍ -

                                     വേഗത്തില്‍ 

                                      ഇസ്സങ്ങളെ -

                                      റാഞ്ചിയെടുത്ത് പറന്ന -

                                      പേരറിയാക്കിളിയെ -

                                      പഴിക്കണ്ടേ ?

                                      ഒരു നാള്‍ ,

                                      കുത്തിയൊ ഴുകിയ 

                                       പുഴയുടെ 

                                       ഹൃദയതാളത്തെ -

                                       അളന്നവന്‍റെ ചിത 

                                       കത്തിയമര്‍ന്നിട്ടില്ല .

                                       അവിടെയിരുന്നു തീ കായുന്നവനും ,

                                       പച്ചമാംസത്തിന്‍റെ ഗന്ധമാണ് .

                                       എങ്കിലും അവന്‍ 

                                       ഉയരത്തെഴുന്നേല്‍ക്കുമെന്ന് 

                                       വൃഥ നിനയ്ക്കണ്ടേ ? 

                                       ഒരു കള്ളചിരിയിലൂടെ 

                                       നൂറായിരം കള്ളങ്ങളെ അളന്ന് 

                                       ഒരു കൊള്ളിവാക്കിലൂടെ 

                                       നൂറുകൊള്ളിവെപ്പുകളെ കണ്ട് .

                                       ഇതെല്ലാം കാണും ,

                                       കൊറ്റിയുടെ തപസിനെ -

                                       കണ്ടിലെന്നുനടിച്

                                       എന്‍റെ കാഴ്ചയെ-

                                       ഞാന്‍ പിന്‍വലികട്ടെ 

                                       ഇവിടെ ഞാന്‍ -

                                       സുരക്ഷിതയാണ് .....            

                

                                                                            രമ്യ പവനന്‍